-- ADVERTISEMENT --
Nagpaandam ang Philippine National Police sa mga kapulisan nga indi magpagamit sa mga politiko para sa 2025 elections.
Ini ang may kaangtanan sa nagahilapit nga filing sang certificate of candidacy sang mga magapadalagan sa eleksyon.
Suno kay PNP Chief General Rommel Francisco Marbil, magapangatubang naman sang nagakaigo nga penalidad ang mga pulis nga magasulod sa mga partisan activities.
Samtang, nagpahanumdom naman si Marbil sa PNP Personnel sang ila nga responsibilidad kag siguraduhon nga magapabilin nga malinong kag matawhay ang election process.
Nahibaluan nga magasugod ang filing sang COC sa Oktubre 1 tubtob 8 samtang ang eleksyon ang pagahiwaton sa Mayo 12, 2025.
