Ginpanginwala ni Surigao del Norte Representative Robert Ace Barbers ang pahayag sang tiayon ni anay presidential spokesperson Harry Roque nga si Mrs. Mylah Roque nga isa ini ka abusado nga indibidwal.
Ini kasunod sang statement sang asawa ni Roque nga gina-abuso sang nasambit nga mamalidha ang iya nga immunity gikan sa libel kag nagasiling nga incorporator ini sang Lucky South apisar pa nga wala ini sang may gina-uyatan nga dokumento nga maga-angut sa iya sa nasambit nga kumpaniya.
Suno kay Barbers nga nalakip ang pangalan ni Mrs. Roque sa hearing bangud ini ang nagpirma sang lease agreement sa isa ka wanted nga Chinese IT expert nga nagapanago matapos ang ginpatigayon nga raid sa POGO hub sa Pampanga.
Gintumod man ni Barbers nga ang Biancham Holdings and Trading, Inc. nga ginapanag-iyahan sang pamilya Roque ang nagpaarkila sa pugante nga si Sun Liming sang Cambodia kag sang iya nga Chinese partner nga si Wang Keping nga ginapahayag may kaangtanan sa financial scams nga nagapang-biktima sa mga investors sa China.
