-- ADVERTISEMENT --
Nagtukod na sang tracker teams ang Philippine National Police (PNP) agud pangitaon si anay presidential spokesperson Harry Roque kadungan sang pag-isyu sang arrest orders sang Kamara.
Suno kay PNP chief Police General Rommel Marbil, nabaton na sang mga ini ang request nagikan sa Kamara kag handa ang PNP nga ipatuman ang amo nga mandu sa pag aresto sa amo nga abogado.
Ginpasalig naman ni Marbil nga ang operasyon sang PNP ang patigayunon sa propesyunal kag naga respeto sa due process.
Matandaan nga na-cite in contemp si Roque sang quad committee bangud sa pagpamalibad sini nga magpasa sang dokumento nga magapakita sang hinala pagdako sang manggad sini.
