Ginkumpirmar sang Department of Health (DOH) nga na-record sang ahensya ang tatlo ka dugang nga kaso sang mpox, rason para magdangat na sa 18 tanan ang active cases sang sakit.
Suno kay Health Secretary Ted Herbosa nga ang tatlo ka bag-o nga mga pasyente ang lunsay mga lalaki kag nagikan sa Calabarzon kag Metro Manila.
Bangud sini, nagdangat na sa 27 ang kabug-osan nga mpox cases sa pungsod halin sang July 2022 kon sa diin 13 diri ang nagapabilin nga aktibo nga kaso.
Apisar sang nagadugang nga kaso sang mpox, ginpahayag ni Herbosa nga indi kinahanglan sang vaccine agud nga matapna ang paglapta sang virus kag gintumod nga ang pagpaninlo kag regular nga paghugas sang kamot amo ang importante.
Nahibaluan nga natalana nga magbaton ang Pilipinas sang 2,500 doses sang mpox vaccines sa mga masunod nga binulan.
