Preparado na ang Koronadal City Government para sa nagahilapit nga selebrasyon sang 24th Charter Anniversary, Negosyo Festival 2024.
Sa isa ka pahayag ginhatagan sang ligwa ni Elric Batilaran, Tourism Officer sang Koronadal nga pormal nga magabukas ang selebrasyon sa Oktubre 08 tubtub Oktubre 30 sa kasamtangan nga tuig.
Kalabanan naman sa nagkalain-lain nga aktibidad ang ipatigayon sa Gaisano Grand Mall sa Koronadal.
Tampok sa selebrasyon ang mga aktibidad parehasa sang Pigdiriwang (pasarapan at pagandahan ng lechon baboy), Mega Jobs Fair, Kasalan ng Bayan, Zumba sa Mercado, Dog’s Fashion Show, KAPEyestahan sa Koronadal kag Grand Sale Month.
May ara man sang Negosyo Festival suno kay Kirbie Mae Facinabao-Obando, Investment & Promotion Officer ang free coffee training seminar, coffee cupping at Coffee Competitions: Brewer’s Cup, Baresta Latte Art, and Espresso Beverage Mix at Entrepreneurship Seminar on Intellectual Property Rights and Registration.
Padayon naman ang pagpang-awhag sang Lokal nga Gobyerno sang Koronadal sa tanan nga makigsadya kag magpakita sang suporta sa tanan ng mga Lokal nga mga negosyante sa nasambit nga aktibidad nga gin organisar sang Lokal nga Gobyerno sang Koronadal.
