Duwa ka eroplano sang Delta Airlines nagbungguay

nagbungguay ang duwa ka eroplano sang Delta Airlines samtang nagataxiing para makalupad na kuntani.

Natabo ang insidente sa Harstfield-Jackson International Airport sa Atlanta.

Suno kay Delta Air spokesperson Anthony Black, nagbungguay ang wingtip sang Delta Airbus A350 sa Delta CRJ 900 regional jet nga gina-operate sang Endeavor Airlines.

Wala sang pasahero nga na-injured sa regional flights kag ginbalik sila sa terminal gamit ang bus.

Samtang ang isa ka eroplano wala na sang pasahero kay na-disembark na sila antes natabo ang insidente.

Tungod sa insidente, ginsara sang Federal Aviation Administration ang runway kag pila ka mga kalapit nga taxiways.

Nagahimo na sang imbestigasyon ang mga otoridad sa natabo nga insidente.