Ginpasiguro naman sang Municipal Disaster Risk Reduction Management Officer sang Norala nga si Aiza Lim nga padayon ang ila monitoring and assessment sa nasambit nga Barangay.
Sa exclusive interview kay Lim, nakapagkit sang minor landslide ang Brgy. Tinago kag isa naman ka casualty bangud sa BAHA sa bahin sang Brgy. Puti.
Sa dugang wala naman sang napagkit nga naguba nga mga panimalay, mga bakwit, kag mga pilason may kaangtanan sa nag-igo nga kalamidad sa banwa ka Norala.
Nagahulat naman ang talatapan sang Municipal Disaster Risk Reduction Management Office sang Norala kun may mga manguguma nga naapektuhan sang nasambit nga kalamidad agud mahatagan sang bulig pinansyal.
Una nga ginpahayag ni Mayor Clemente Fedoc nga may yara sang isa ka babae ang na-slide, gin-anod kag nalumos sa isa ka sapa sang Sitio El Kuda, Brgy. Puti.
Ginkilala ang ginang nga si Nenita Buayan, 47 anyos, may asawa, kag residente sang nasambit nga lugar.
Ginpasigurado naman ni Lim nga mahatagan sang bulig pinansyal ang pamilya sang nagtaliwan nga ginang.
