Duwa (2) ka barangay sa banwa sang Norala, South Cotabato ang apektado sang baha kag landslide bangud sa mabaskog nga bubo sang ulan
Ini ang ginkumpirma ni Mayor Clemente Fedoc, ang alkalde sang nasambit nga BANWA
Suno kay Fedoc, nakapagkit ang Barangay Tinago sang minor landslide apang madasun naman ini nga inaskyunan sang pipila ka residente kag sang ila talatapan.
Ginpasiguro naman sang Municipal Disaster Risk Reduction Management Officer sang Norala nga si Aiza Lim nga padayon ang ila monitoring and assessment sa nasambit nga Barangay.
Ginpabalo man ni Mayor Fedoc ang isa ka makasululubo nga balita kun sa diin isa ka babae ang na-slide, gin-anod kag nalumos sa isa ka sapa sang Sitio El Kuda, Brgy. Puti.
Ginkilala ang ginang nga si Nenita Buayan, 47 anyos, may asawa, kag residente sang nasambit nga lugar.
Sa tigayon nila nga ng search and retrieval operation sa nasambit nga area, nasapwan dayon ang LAWAS sang biktima apang para makasigurado gindangat pa sang nasambit nga opisyal kag mga kaupdanan sini nga mga rescuers sa isa ka balay bululngan ang biktima apang gindeklarar ini nga dead on arrival.
Nahibulaan nga bangud sa mabaskog nga ulan, nag-apaw ang sapa kag nangin mabaskog ang ragasa sang tubig. Sa kasagsagan sang ulan, may kuwaon kuntani nga sako sanng basura ang biktima malapit sa sapa, GULPIYADO naman ini nga na-slide sa pampang kag nahulog kag naanod sa nagaragasa nga tubig.
Sa dugang wala naman sang napagkit nga naguba nga mga panimalay, mga bakwit, kag mga pilason may kaangtanan sa nag-igo nga kalamidad sa banwa ka Norala.
