Nadakpan ang isa ka Italyano nga kawatan pero, tungod sa libro, nakalimot siya sang iya plano nga magpangawat.
Suno sa report sang isa ka Italian news, ang suspek mahilig sa Greek mythology, amo nga nag-enjoy siya sa pagbasa kag nalimtan ang iya plano nga magpangawat.
Ang suspek nga 38-anyos, nagsulod sa isa ka apartment sa Prati district sa Rome paagi sa balkon.
Ang libro nga ginbasa sang suspek nga may titulo nga ‘The Gods of Six O’Clock,’ ginsulat sang isa ka Italian nga manunulat nga si Giovanni Nucci.
Nahibal-an nga nagmata ang tag-iya sang balay kag didto niya nadakop ang suspek nga nagabasa sang libro.
Dayon nga gin-report sang tag-iya sa kapulisan kag didto nadakop ang suspek.
Samtang ang may-akda sang libro plano nga maghatag sang kopya sang libro nga ginbasa sang suspek agud makapadayon siya sa pagbasa sini.
Suno kay Nucci, ginahawig niya ang suspek sa iya paborito nga Greek god nga si Hermes, ang diyos sang mga kawatan.
