Atensyon sa mga may boyfriends ukon girlfriends dira. Sa mga wala, magbasa lang kay basi may madumduman ka!
Ano ang sarang mo nga mahimo para sa tawo nga palangga mo?
Kun ikaw ang ginatunto, i-tolerate mo ini ayhan agud lamang nga mapabilin ang inyo nga relasyon.
Sa Venezuela, isa ka babayi ang yara sa hot seat subong matapos gin-anunsiyo sa iya social media account nga nagpakig-abyan ini sa other woman sang iya nga nobyo kag nagpasugot pa ini nga makig-share sa iya.
Suno kay Sofía Gutiérrez nagikan sa Lecheria, Venezuela, natukiban niya ang pagpanglu-ib sang iya nobyo sang gin-check niya ang messages sini.
Sa baylo nga kumprontahun, nagdesisyon ini nga makig-angut sa secret lover sang iya nobyo.
Ang resulta, nangin mag-abyan na sila sang babayi nga ginkilala kay Sarahy Gill.
Suno pa kay Sofia, nabaton na niya nga ang iya nobyo ang ginapanag-iyahan man ni Sarahy nga yara lang sa tion nga kinahanglan ini sang iya boyfriend.
Matapos naglapta ang amo nga social media post, may yara sang nagkomento nga ang nobyo sang duha ang pinakamaswerte sa bilog nga kalibutan samtang ang iban ang may negatibo nga komento.
