Wala nagapati ang mga opisyal sang Presidential Anti-Organized Crime Commission (PAOCC) nga nakabaton sang pamahog sa kabuhi si dismissed Bamban, Tarlac mayor Alice Guo sang yara pa sia sa Pilipinas.
Sa isa ka press conference kasunod sang iya pag-abot nagikan sa Indonesia sang Byernes sang kaagahon, ginpahayag ni Interior and Local Government Secretary Benhur Abalos nga ginhambalan sia ni Guo nga nagpalagyo sia sa Pilipinas bangud nga nahadlok sia sa iya kabuhi.
Sa video nga na-post sa Facebook account ni Abalos sa iya pagpakigkita kay Guo sa Jakarta sang Huwebes sang hapon, mabatian ang dismissed mayor nga nagasiling, Una diri, ginpahayag sang abogado nga si Stephen David, legal counsel ni Guo nga ang death threats ang rason kun ngaa nga wala nagsungka si Guo sa otoridad sang yara pa sia sa pungsod.
Sa bahin naman ni PAOCC Undersecretary Gilbert Cruz, ginpahayag niya nga indi niya lubos nga maintindihan kun sin-o ang magapahog kay Guo kun wala man niya ginbuyagyag ang identities sang mga gina-alegar co-conspirator sa operasyon sang gin-raid nga Bamban POGO hub.
Suno kay Cruz, kun luyag gid man niya nga magsungka, dapat nga gin-ubra na niya ini sang gilayon.
Ginpahayag man niya nga ginbag-o ni Guo ang iya panghitsura.//Ang buhok sini nga malaba sang una ang gin-utod na nga tupong sa iya nga abaga. Gin-island man ang color sini.
