Gin-anunsyo sang National Disaster Risk Reduction and Management Council (NDRRMC) nga yara na sa idalom sang ‘La Niña alert status’ ang bug-os nga Pilipinas.
Nakit-an sang NDRRMC nga 66% na nga nadevelop ang La Niña sa pungsod halin Septyembre kag magalawig tubto Nobyembre 2024.
Bangud diri,ginapreparar na sang mga member-agencies ang posibilidad nga pagresponde sini sa epekto sa pangabuhian,propiedad,public infrastructure kag iban pa.
Suno sa konseho,kadungan sang La Niña ang malawig nga pag-ulan,mabaskog nga bagyo,monsoon rains,kag iban pa nga kaangay sang abnormalidad sa panahon.
Sa idalom sini,lauman ang mas mabaskog nga pag-ulan ikumparar sa normal nga pag-ulan sa pungsod kag masami man nga nagabugnaw ang temperatura nga ginalakipan sang matugnaw nga hangin.
