47 ka tawo ang patay kag 206 ang pilason sang gin-igo sang missile sang Russia

Indi magnubo sa 47 ka tawo ang patay kag 206 ang pilason sang gin-igo sang missile sang Russia ang isa ka military institute sa central town sang Poltava nga ginakabig nga pinakamakamamatay nga single attack sa Ukraine subong nga tuig.

Indi pa maathag kun sin-o ang mga biktima apang ginapahayag nga mga kadete ukon mga mga bag-o nga myembro sang militar nga nagapaidalom pa lang sa training.

Gilayon naman nga ginmando ni President Volodymyr Zelensky ang imbestigasyon kag ginpangako nga manabat ang Russia sa amo nga atake.

Wala pa sang komento ang Russia tuhoy sa amo nga insidente.