Indi na mahimo nga mahatagan sang citation tickets ang mga tag-iya sang motorsiklo kag salakyan nga nagagamit sang temporary plates kun indi man makita-an sang iban nga traffic violations, suno sa Land Transportation Office (LTO).
Sugod sang Setyembre 1, ang LTO upod sa iban nga law enforcement agencies ang magasugod sa pagpanakop sang mga violator sa pinakaulihi nga Memorandum Circular VDM-2024-272, nga ginpagwa sang Hulyo 1, may kaangtanan sa guidelines sa paggamit sang improvised kag temporary motor vehicle kag motorcycle plates sa bilog nga pungsod.
Sa isa ka statement, ginpahayag ni LTO Chief Assistant Secretary Vigor Mendoza II nga ang mga traffic enforcer, ang magakuha lang sang picture sang official receipt/certificate of registration (OR/CR) kag sales invoice sang motorsiklo nga nagagamit sang temporary plates sa tion sang operasyon.
Sa idalom sang memorandum, ang tanan nga bag-o nga four-wheeled motor vehicles ang makagamit lang sang temporary plates sa sulod sang 15 ka adlaw nagikan sa pag-issue sang sales invoice. Ang assigned conduction sticker number ang dapat nga makita sa temporary plate.
