Pipila ka barangay sa probinsya sang South Cotabato partikulamente sa Lake Sebu, Tupi, kag Koronadal City ang naigo sang landslide kag NATUMBAHAN sang puno, sa kasagsagan sang mabaskog nga pag-ulan nga may dala nga mabaskog nga hangin sa pipila ka bahin sang probinsya, kagahapon nga adlaw sang Martes.
Ini ang ginkumpirmar ni Mr. Rolly Doanne Aquino, ang Provincial Disaster Risk Reduction Officer sang South Cotabato sa exclusive interview sang Bombo Radyo Koronadal.
Suno kay Aquino, naigo ang Barangay Hanoon sang Lake Sebu nga nakapagkit sang isa ka totally damage nga panimalay nga ginapainagyahan sang Punong Barangay mismo sang nasambit nga lugar. Wala naman napagkit nga casualty.
Sa bahin naman sang Tupi, partikulamente sa Barangay Polunoling, may yara sang panimalay nga partially damage bangud natumbahan man sang puno kag wala man gilayon nga napagkit nga casualty ukon pilason.
Sa siyudad naman sang Koronadal, may isa ka panimalay ang partially damage kag isa naman ang totally damage. Bangud man sa ulan kag kabaskog sang hangin, nadulaan sang kuryente ang PIPILA ka area sang siyudad.
Sa dugang, padayon gyapon ang monitoring and assessment sang talatapan ni Aquino kag PREPARADO man ang Provincial Government sang South Cotabato agud makapanagtag sang bulig nga igadul ong subong nga adlaw. Ginabulubanta naman sang opisyal nga magdugangan pa ang mga pamilya nga apektado sa iGO sang kalamidad.
Ginapanawagan naman sang nasambit nga opisyal nga mga maghalong ang tanan sa biskan ano nga sahi sang kalamidad nga pwede magtupa sa probinsya.
