Duha ka insidente sang attempted nga pagpangholdap ang nagluntad sa mga Barangay sang New Iloilo kag Libas, Tantangan, South Cotabato, kagab i, adlaw sang Martes, September 3, 2024.
Ini ang ginkumpirmar ni Vincent Lagos, residente sang Brgy. New Iloilo, Tantangan, South Cotabato kag utod sang isa sa mga biktima.
Suno saiya, halin sa eskwelahan ang iya utod nga si alyas Jomar kag pinsan sini nga si alyas Bobet kag papauli na kuntani saila nga balay sang hinali nga ginpundohan ini sa madulom nga parte sang dalan sang isa ka LALAKI nga naga-maneho sang Bajaj nga motorsiklo, nakauba ukon naka-topless, kag nakasuksok sang kalo
Gintayaan sang malaba nga armas ang utod sini samtang nagdalagan naman ang pinsan sini.
Wala pa nakuntento ang holdaper, ginlagas suno pa sini ang pinsan ni Lagos.
Sa dugang, may yara nagpundo nga salakyan rason nga na-delatar ang motibo sini sa mga biktima.
Maswerte naman nga wala may nakuha ang nasambit nga holdaper sa mga biktima.
Nakapalagyo naman ang suspek kag may biktimahon man tani nga isa ka indibidwal sa Brgy. Libas sang nasambit nga banwa apang nangin unsuccessful man ini.
Madasun naman nga nag-responde ang pamunuan sang Barangay New Iloilo kag mga awtoridad sang Tantangan PNP agud nga mag-imbestigar kag mapadayon ang kalinong sa nasambit nga lugar.
