Presyo sang gatong, maga-rollback sa madason nga semana

Matapos magsaka ang presyo sang tinalikdan nga adlaw sang Martes, lauman ang rollback sa presyo sang gatong sa masunod nga semana.

Suno kay Department of Energy-Oil Industry Management Bureau Assistant Director Rodela Romero, magadangat sa P1.15 tubtob P1.35 ang igabuhin sa presyo sang kada litro sang gasolina, P2.00 tubtob P2.20 sa kurudo kag P1.90 tubtob P2.00 sa kerosene.

Ang mahina nga demand sa gatong ang nagtulod sa pagnubo sang presyo.

Basi naman sa year-to-date adjustments, nagsaka sang P8.05 ang kada litro sang gasolina kag P5.95 naman sa kurudo.