Concert ni Taylor Swift sa London, gin-doble ang seguridad

Gin-doble pa sang concert organizer ni Taylor Swift ang paghatag sang seguridad sa patigayonon nga concert sa Wembley Stadium sa London.

Ini matapos sa pagkanselar sang tatlo ka adlaw nga concert sa Austria bangud sa terrorist attack.

Nahibaluan nga magapatigayon si Swift sang concert sa London kag ini na ang ulihi nga concert sang Eras Tour European leg.

Pila sa mga ginhimo nga paghugot sa seguridad ang pagdumili sa mga fans nga wala sang tickets nga mag-tambay sa lugar.

Samtang, mapatigayon man sang inspeksyon ang tanan nga salakyan nga maga-agi sa venue sang concert.