Isa ka singer nga babaye sa pungsod India ang naghandum nga mapagkit sa Guiness Book of Records ang iya nga pangalan pinaagi sa pagkanta sang wala untat tubtob nga malapawan sini ang una nga world record sa amo nga kategorya.
Siya amo si Afua Asantewaa Owusa Adounom, nga nagpangisog nga malapawan ang anay 105 oras nga world record ni Sunil Waghmare sa non-stop singing.
Nalampuwasan Afua ang una nga record ni Sunil kag nalab-ot ang 126 oras kag 52 minutos, kag ginahulat na lamang ang kompirmasyon sang Guiness kun balido ang iya kadalag-an.
Samtang, ginpahayag naman ni Dr. Grace Buckman, nga prayoridad nila ang ikaayong-lawas sang singer gani nagakadapat nga siguruhon nga nangin maayo ang iya kondisyon kag malayo sa stress kag fatigue matapos ang malawig nga oras sang iya pagkanta.
