KORONADAL CITY – Nakumpiska sang mga otoridad sa isa ka ginakabig nga high value individual ang mga pakete sang ginapatihan nga shabu sa ginpatigayon nga drug buy-bust operation sa Brgy. Paco, Kidapawan City, North Cotabato subong nga adlaw sang Biyernes, Agosto 16, 2024.
Ginkilala sang mga otoridad ang nadakpan nga suspek nga si alyas “Jan-Jan”, 46 anyos, nga residente sang Brgy. Poblacion, Digos City.
Sandig sa report, nangin madinalag-on ang nasambit nga operasyon sang gintingob pwersa sang Regional Police Drug Enforcement Unit 12 (lead unit), Kidapawan City Police Station, Regional Special Operations Group 12, Regional Intelligence Unit 12, PEG SOU 12, RID 12, 1st CPMFC kag CPPO-PDEU.
Nakuha gikan sa suspek ang anum (6) pakete transparent plastic sachet sang ginapatihan nga shabu nga may kabug-usan nga 115 gramo kag nagakantidad sang Php782,800.
Natalana naman nga pasakaan sang kaso nga paglapas sa RA 9165 ukon “Comprehensive Dangerous Drugs Act of 2002” ang suspek.
