Ginkilala ang isa ka lalaki sa China matapos makuha sini ang bag-o nga titulo sa Guinness Record sa may pinakadugay nga pag-ilig sang tubig sa iya nga baba kun diin naglab-ot ini sa 5 ka minuto kag 51.88 ka segudo.
Ang water sprouting isa ka old trick halin pa sang 17th century, kag hasta subong nagapadayon.
Ina ang pag-inom sang madamo nga tubig kag gina-kontrol sang muscle sa aton nga baba para hapos ipaguwa. Suno sa lalaki, indi tanan makahimo sini. Kun sa imo una nga pag tan-aw makabilib ka gid. Ang nasambit nga lalaki ang kilala man bilang human water fountain.
Ginkilala ang lalaki kay Ma Hui, 35 anyos, suno sa iya, nakahiligan niya nga mag-inom sang tubig kag mag-eksperemento.
Didto iya na diskubrehan nga sarang niya pa-iligon ang tubig sang pila sa Segundo. Siya ang nagpraktis hasta nakalab-ot na sa malapit 6 ka minuto.
Siya ang nag-agaw sang titulo ni Kirubel Yilma, taga Ethiopia, kun sa diin si Yilma ang sarang lamang maka-ilig sang tubig halin sa iya baba sa sulod sang 56.36 lamang ka segundo.
