KORONADAL CITY – Nagapadayon ang imbestigasyon sang mga otoridad sa pagpangluthang-patay sa isa ka negosyante matapos nga ginsulod mismo sa Grace Funeral Homes and Services sa Purok Sampaguita,Brgy.Edwards, T’Boli South Cotabato.
Ginkilala sang Tboli PNP ang biktima nga Patrick Campo Palmes,miyembro sang LGBTQIA+ ,yara sa legal nga panuigon kag residente sang nasambit nga lugar.
Sandig sa imbestigasyon, isa ka wala pa makilal-an nga mga suspetsado ang nagsulod sa punerarya kag hinali nga gintiro ang biktima pasado alas 12:00 sang udto, Lunes nga adlaw, Agosto 12,2024.
Indi man mahibaluan sang pamilya kag mga kaupod sini kun ano ang motibo sang mga suspek sa pagpatay sa biktima bangud mabuot man suno pa ini kag waa sang kaaway.
Nahibaluan nga nakaangkon sang pilas sa iya nga ulo kag nagkalain-lain nga bahin sang iya lawas ang biktima nga amo ang gintunaan sang kamatayon sini.
Nagatipon pa sang mabakod nga ebedensiya ang mga kapulisan agud makilala ang mga suspek.
Gina-chekyar man kun may nakakita sa insidente ukon may mga kuha nga CCTV footage sa palibot agud makabulig sa imbestigasyon.
