Pagkatapos nga mapaslawan sa paghigugma, nagdesisyon ang 24-anyos nga lalaki sa China nga magpuyo sa kabukiran.
Nagbiya siya sa mga tawo sa pagpati nga makabulig ini nga malampuwasan niya ang kasubo.
Apang, pagkatapos lamang sang lima ka adlaw nga pag-istar sa bukid, nangin stressful ini sa iya kag daw kasubong nga nangin instant senior citizen ini.
Nadugangan sang pila ka tuig ang iya nawong kag kasubong nga mas tigulang pa ini sa iya amay.
Ang mga tawo sa palibot nagatawag sa iya nga “Lolo,” bangud nasal-an ini nga tigulang na kag masobra senior citizen na bangud sa iya mga wrinkles kag pagkakalbo sini.
Para pamatudan nga 24-anyos pa lamang ini, nagpakita siya sang iya ID nga nagasiling nga natawo siya Disyembre 2000.
Nahibaluan nga anay na siya nga seaman sa freight ship sa Southeast Asia, apang nagdesisyon nga magpuyo sa kabukiran matapos sila magbulagay sang nobya.
