-- ADVERTISEMENT --
Naglab-ot sa kabug-usan nga P346,800.00 kantidad sang shabu ang nakumpiskar sa ginpatigayon nga buy-bust operation sang Lebak Municipal Police Station sa Purok Mangga 2, Brgy. Poblacion I, Lebak, Sultan Kudarat.
Ginkilala ni PLtCol Benito Rotia Jr. chief of police sang Lebak PNP ang suspek nga si alias Nor, 49-anyos, may asawa, isa ka anay OFW kag residente sang Barangay Poloy-Poloy nga ginakabig isa ka high value individual sang PDEA12.
Nakumpiskar sa suspek ang isa ka unit sang caliber 45 nga may live ammunition.
Sa karon yara na sa kustodiya sang Lebak MPS ang suspek kag natalan nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002.
