KORONADAL CITY – Nagapadayon ang imbestigasyon sang mga otoridad sa pagpangluthang-patay sa isa ka empleyado sang bus company alas 7:00 kaina sang aga sa bahin sang Purok 3, Brgy Patadon, Kidapawan City.
Ginkilala ang biktima nga si Reynaldo Uyangoren, 53 anyos, may asawa, Supervisor sang Mindanao Star Inc kag residente sang Davao City.’
Sandig sa imbestigasyon sang mga otoridad, samtang nagakape ang biktima sa isa ka sari-sari Store nga yara lamang sa higad sang dalan, nag-abot ang isa ka lalaki kag ginluthang ang biktima.
Gilayon naman nga nagpalagyo ang suspek matapos nga ginhimo ang krimen.
Sandig sa report, nagasuksok sang jacket ang suspek kag may tabon sa nawong.
Sa karon, ginahibalo pa sang mga otoridad kun ano ang motibo sa pagpatay sa biktima.
Hustisya naman ang ginasinggitan sang pamilya sini.
