Matuod nga makagalutom ang tagsa nga pagtravel naton ukon kita man ang naga tour sa nagkalain-lain nga mga lugar.
Kapareho na lamang sang isa ka estudyante sa South Korea kun sa diin wala sini napunggan ang iya kagutom samtang naga-tour sa isa ka kilala nga museyo, kag gilayon nga ginkuha ang nakadisplay nga artwork nga saging, nga nagabalor sang $120,000.”
Ginkaon sang South Korean student nga si Noh Huyn-Soo ang amo nga artwork nga ginatawag “Comedian”, sa rason nga wala ini nakapamahaw.
Matapos niya nga naubos ang amo nga saging, ginbalik pa niya ang panit sini kag gindikit sa iya ginkuhaan gamit ang duct tape agud magbalik sa dati nga hitsura.
Nahibaluan ini sang pamunuan sang amo nga museyo, apang wala na nila ginhatagan sang penalidad ang estudyante, kundi gin islan na lamang ini bangud wala man nagdulot sang daku nga damage ang pagkaon sang amo nga saging.
Nahibaluan nga gina-islan man kada tatlo ka adlaw ang amo nga saging agud mapabilin nga preska ini sa panan-aw sang mga tawo.
