Tuman ang kakibot sang isa ka babaye matapos ini ang gindakop bangud sa pagprenda sang sing-sing nga ginregalo sa iya sang anay sini kahagugma.
Suno kay Mr. Harris, isa sa mga empleyado sa jewelry shop, nakibot ini sang gin presentar ni Melissa ang isa ka sing-sing para i-prenda. Suno sa dalaga, ginregalo sang iya anay nobyo ang amo nga sing-sing, apang matapos sila magbulagay ginpakamaayo nalang sini nga i-prenda.
Sa pagtsekyar sang staff sa nasambitan nga shop, nadiskubrihan nga indi lang ordinaryo ang amo nga singsing bangud ginakabig ini nga malahalon tuga sang historical legacy sini.
Didto nahibalun nga ang dala nga singsing sang babaye ang madugay na ginapangita kag nadula ini bangud ginkawat sa Metropolitan Museum.
Gilayon gin aresto si Melisa sang kapulisan para kwestyunon, apang nagapanindugan ini nga indi sini kinawatan ang amo nga sing sing kag regalo lamang sang iya anay nobyo.
