Ginabanta 18 tanan ka mga tawo ang ginbawian sang kabuhi matapos mag-crash kag masunog ang isa ka regional passenger plane nga ginapanag-iyahan sang Nepal Saurya Airlines samtang nga naga-take off sa capital Kathmandu.
Ang nasambit nga plane ang may sakay nga duha ka crew members kag 17 ka mga technicians kag natalana nga magpadulong kuntani sa bag-o nga Pokhara airport sang Nepal nga nagbukas sang Enero para sa regular nga maintenance.
Suno sa spokesperson sang Kathmandu’s Tribhuvan International Airport, ang kapitan lang sang eroplano ang na-rescue nga buhi kag yara na subong sa ospital agud magpabulong.
Bangud sini, temporaryo nga ginpasirado ang nasambit nga airport.
Pahayag sang Saurya Airlines official, nga ang nag crash nga eroplano ang isa ka 50-seater CRJ200 nga aircraft.
Matandaan nga nangin bantog ang Nepal bangud sang pigado nga air safety record sa diin 350 na ka mga tawo ang napatay bangud sa plane crash halin sang tuig 2000.
