Gilayon nga nanghatag sang ayuda ang talatapan sang Department of Social Welfare and Development (DSWD) sa pagpanguna ni Secretary Rex Gatchalian sa mga naapektuhan sang bagyo Carina bilang pagsunod sa mandu ni Presidente Ferdinand R Marcos Jr.
Suno kay Gatchalian, dapat nga mangin organisado ang pagpanagtag sang mga relief items ilabi na sa mga lugar nga may pinakamadamo nga apektado nga pamilya.
Ginmanduan sang tiglikom ang Disaster Response Management Group kag DSWD Field Offices nga magpadala sang family food packs kag iban pa nga relief items sa mga komunidad nga naigo sang bagyo.
Sa subong, ang National Resource and Logistics Management Bureau ang may kabug-usan nga isa ka milyon nga family food packs, standby funds, kag stockpiles funds nga nagalab-ot sa P2.6 billion.
Magluwas sini, isa pa ka P1.2 billion nga balor sang pagkaon kag non-food items ang yara sa DSWD.
Tubtob sini nga aga, Hulyo 24, nagdangat na sa kabug-usan nga 45,328 ka mga pamilya ukon katumbas sang masobra 91,000 ka mga indibidwal sa 225 ka mga barangay sa National Capital Region (NCR), Rehiyon 1, 2 kag 3, CALABARZON, MIMAROPA, Rehiyon 5, 6, 7 kag Cordillera Administrative Region (CAR ) ang apektado sang malain nga panahon.
May yara sang masobra 1,700 ka mga pamilya ukon masobra 6,500 ka mga indibidwal naman ang yara subong sa 126-ka evacuation centers sa NCR, Regions 1, 2, 3, 6, 7, kag CALABARZON kag MIMAROPA.
