May nahibaluan ka bala nga lugar sa diin ginadumilian ang mga babaye nga magbun-ag?
Ang village sang Mafi Dove, sa southern Ghana, ang puluy-an sang kapin 5,000 ka tawo.
Apang mapati kamo kag sa indi, halos wala sang bisan isa sa mga residente sa lugar ang natawo sa amo man nga lugar.
Ini bangud sa dumaan nga pagpati nga ang pagbun-ag sa village ang nagadul-ong sang offense sa ila Diyos, sa diin ang mga babaye nga nagabusong ang ginadala sa malayo nga komunidad agud didto sila magbun-ag.
Apang bangud nga ang pagpugong sa tanan nga mga babaye nga magbata sa ila village ang halos imposible, ang mga katigulangaan sa Mafi Dove nagtuad nga may mga kaso sang mga lapsag nga ginbun-ag sa ila village.
Apang ini nga mga tumalagsahon nga kaso ang kinahanglan nga asikasuhon sang maayo agud indi maakig ang mga Diyos.
Ang pamilya sang iloy nga nagbun-ag ang dapat iga-alerto kun may matabo nga accidental birth agud sila ang makapatigayon sang ritual agud matinluan ang village kag mapakalma ang mga Diyos.
Apisar ang pagbun-ag sa village ang wala ginakalipay sang mga local leaders,ang mga nagalapas diri ang wala man ginasilutan sang komunidad.
Apang nagapati sila nga ang sin-o man nga iloy nga nagbun-ag sa village ang may risgo nga mag-angkon sang indi normal nga lapsag.
Sa subong, padayon nga ginakilala sang mga tawo ini nga tradisyon apang agud masiguro man ang kahimtangan sang nagabun-ag nga iloy, isa ka maternity clinic ang gintukod sa gwa sang village agud maka-deliver ang mga iloy sang lapsag nga mas malapit sa ila puluy-an
