KORONADAL CITY – Bangud sa pressure sang gobyerno kag padayon nga mga programa boluntaryo nga nagsungka sa kapulisan ang tatlo ka mga myembro sang Bangsamoro Islamic Freedom Fighters (BIFF) sa siyudad sang Tacurong.
Ini ang ginkumpirmar ni Police Regional Office 12 Regional Director Brig. Gen. Percival Augustus Placer.
Ginkilala ni Placer ang mga nagsungka nga sanday alyas “Long Hair”, “Benz” kag “Morz”, anay mga myembro sang BIFF-Karialan Faction.
Ang mga nagsungka nga local terrorist group members ang lunsay mga mangunguma nga nagapuyo sa Barangay Ganta, Mamasapano, Maguindanao del Sur.
Dugang pa sang opisyal, dala sang mga ini ang ila mga armas sa pagsungka nga ginlakipan sang mga paltik nga 12 gauge shot gun, kag M79 garand rifle.
Kaangot sini, nagpanawagan si Placer sa iban pa nga miyembro sang armado nga grupo nga magsungka na para liwat nga makapangabuhi sang matawhay kaupod ang ila tagsa ka pamilya.
