Ginakabig sang Forbes Advisor nga isa sa pinakadelikado nga syudad sa kalibutan para sa mga turista ang kabisera sang Pilipinas nga Manila.
Suno sa publikasyon, ika-lima nga pinapeligruso nga syudad ang Manila nga may iskor nga 91.49.
Basi pa sa report, ika-9 ang kabisera sa delikado sa krimen, ika-5 sa personal nga seguridad, ika-7 sa seguridad sa ikaayong lawas, ika-9 sa seguridad sa imprastraktura, kag ika-12 sa digital nga seguridad.
Magluwas sa Manila, sulod sa listahan sa ikaapat nga puwesto ang Lagos, Nigeria; Yangon, Myanmar sa ikatatlo; Karachi, Pakistan sa pangaduha; kag Caracas, Venezuela bilang numero uno nga peligruso nga lugar para sa mga turista.
Samtang, ang Singapore naman ang pinakaluwas nga syudad bangud sa maayo sini nga travel safety rating kag may pinakamanubo nga peligro sa natural nga kalamidad.
