KORONADAL CITY – Indi na magpasaka sang kaso angot sa Anti wiretapping law si South Cotabato Governor Reynaldo Tamayo Jr sa sin-u-man nga nagrecord kag nagpaguwa sa publiko sang nakigsapol ini sa mga alkalde sang BARMM.
Ini ang ginpahayag ni Governor Tamayo sa interview sang Bombo Radyo Koronadal.
Suno kay Tamayo, isa ka criminal offense ang ginhimo sang nagpaguwa sang video bangud pribado nga meeting ang ginpatigayon.
Apang, bangud nga gin-untatan naman suno pa kag na-resolve na ang probkema ukon conflikto nga natuga sini, indi na siya magfile pa sang kaso agud indi naman magdako pa.
Gin-athag pa sang opisyal nga bilang national president sang Partido Federal ng Pilipinas kag chief of political affairs sang partido may obligasyon siya nga siguruhon nga yara sa maayo nga direksiyon ang mga ini.
Kag tanan suno pa sini nga mga ginahimo anng may clearance halin sa national chairman.
Nagapati man ini nga may natapangan siya nga pila ka mga interes rason nga naakig ang iban sa mga ini gani nag-react kag nagpaguwa sang ila mga statement.
Sa karon, kumpiyansa ang opisyal nga naresolbar na ang natabo kag dapat nga matuldukan na.
