Arestado sang mga otoridad ang isa ka 28-anyos nga lalaki nga nagapangatubang sang kaso nga Statutory Rape sa Brgy. Keytodak, Lebak, Sultan Kudarat sini nga adlaw sang Lunes, Hulyo 8, 2024.
Ginkilala ang nadakpan nga suspek nga si alyas “Rojimar”, soltero kag residente sang nasambit nga lugar.
Suno sa Lebak Municipal Police Station, naaresto ang isa ka “Rojimar” sang mga operatiba sang Lebak PNP, CIDG 12 SKPFU, RID 12 Tracker Team Delta, PIT-SK RIU 12 kag 2nd SKPMFC, base sa arrest warrant nga ginpirmahan ni Hon. Felix F. Mesa, Assisting Presiding Judge sang Regional Trial Court 12th Judicial Region, Branch 19 Isulan, Sultan Kudarat, para sa kaso nga statutory rape nga wala sang rekomendado nga piyansa.
Ang kapulisan ang wala nagauntat sa pagpakigbato sa mga may sala sa layi kag iban pa nga ilegal nga aktibidad para mapabilin nga luwas kag maayo ang komunidad.
