-- ADVERTISEMENT --
Ginpasakaan sang panumbungon nga plunder ni anay senador Antonio Trillanes IV si anay pangulong Rodrigo Duterte kag Senador Bong Go.
Nag-ugat ang reklamo suno kay Trillanes sa ginaalegar korapsyon nga nagalab-ot sa P6.6 billion sa pila ka infrastructure projects.
Suno sa anay senador, nagapati ini nga naghimbon si Go kag Duterte agud makakulimbat sang binilyon ka pesos nagikan sa mga proyekto sang gobyerno. Gin-usar man sang mga ini ang ila poder agud makabenepisyo ang ila mga himata sa mga proyekto.
Kumpiyansa ini nga bastante ang ebedensiya nga iga-presentar sini agud mapasabat sa kaso nga plunder si Duterte kag Go.
