KORONADAL CITY – Nagapadayon ang imbestigasyon sang mga otoridad sa pagpangluthang sa isa ka indibidwal sa Barangay Dansuli, Isulan, Sultan Kudarat.
Sa interview sang Bombo Radyo Koronadal, ginkilala ni PLt.Col. Julius Malconteto, hepe sang Isulan PNP, ang biktima nga si Bhenzar Mariano Amirol, 54 anyos, may asawa kag residente ng Barangay Sampalan, Datu Odin Sinsuat, Maguindanao del Norte.
Suno kay Malcontento, naguwa sa ila imbestigasyon nga samtang nagahulat ang biktima sang iya second wife sa nasambit nga lugar, nag-abot ang isa ka salakyan kag nanaug ang armado nga suspek kag gintiro ang biktima.
Nakaangkon ini sang pilas sa dughan kag tiyan nga gilayon naman gindala sa balay bululngan.
Nagapati naman ang kapulisan nga personal grudge ang motibo sang krimen.
Sa karon, ginalantaw pa sang mga otoridad ang kaangtanan sang second wife sang biktima sa nagluntad nga pagpangkuthang.
Apang, ginpasalig sang Isulan PNP nga ginauyatan na nila ang mabakod nga ebendensiya nga magatudlo sa mga suspek nga amo ang may kahimuan sang krimen.
