Importante nga leksyon gid ang natun-an sang isa ka lalaki sa United Kingdom nga nakahiligan ang pagkaon sang French fries, potato chips, processed meat kag white bread sa sulod sang pila ka tuig.
Gin-report sang mga doctor sa UK ang shocking case sang teenager nga naguba ang mata tubtob naglab-ot sa punto nga nabulag ini bangud sa poor diet tuga sang pagkaon sang french fries, potato chips, processed meat kag white bread.
Ang Bristol-based teenager, nga nagpahinago sang pangalan, ang ginlaragway sang iya pamilya nga wala gid natolerar ang sabor kag texture sang utan kag prutas.
Una siya nga nagpakonsulta sa doctor sang siya ang 14, bangud nagabatyag siya sang kakapoy kag paglain sang pamatyag kag na- diagnosed nga may severe vitamin deficiency.
Siya ang ginpatumar sang supplements kag gin- abisuhan nga bag-uhon ang diet, apang wala niya ini gintuman, kag matapos ang tatlo ka tuig, siya ang na- diagnose nga may progressive sight loss bangud sa undernourishment.
Suno sa mga doktor, ini nga condition ang mabulong kuntani kun na- diagnose sang temprano apang sa kaso sang lalaki, ini ang nangin irreversible.
Bangud sini,siya ang nag-untat gid sa pag- eskwela gani tubtob subong, ginahinulsulan ang pagkahilig sa mga pagkaon nga indi masustansiya.
