KORONADAL CITY – Preparado na Street Dancing Competition subong nga tuig bilang isa sa mga ginabantayan sa selebrasyon sang iika-58th Foundation Anniversary kag 25th Silver T’Nalak Festival sa Probinsya sang South Cotabato.
May yara sang siyam ka mga contingents nga magapasakop sa Street Dancing Competition para sa 3 ka mga kategorya.
Sa Madam Be’Lan, pagapartisiparan ini sang 4 ka mga contingent halin sa mga banwa sang Lake Sebu,Surallah,T’Boli kag siyudad sang Koronadal; sa Kadsagayan A’Lalan, may 2 ka mga contingents halin sa siyudad sang Koronadal kag banwa sang Sto.Niño; samtang para sa kategorya nga Kasadyahan sa Kapatagan, may 3 ka mga contingents nga naghalin sa mga banwa sang Tupi,Norala kag Tantangan.
Magabaton naman ang mga maga-champion sang Ph350,000 pesos, 1st runner up:Php 300,000 kag 2nd Runner-Up: Php200,000 pesos.
Ang mga non-winning contingents naman magabaton sang tag-100,000 pesos bilang consolation prize.
Nahibaluan nga naghatag na ang probinsiya sang Php200,000 pesos nga seed fund sa kada contingents agud nga may magamit sila.
Magaarangkada ang Street Dancing Competition sa ulihi mismo nga adlaw sang kafiestahan sa Hulyo 18,2024.
Kaangot sini, ginaawhag naman ni Governor Reynaldo Tamayo Jr. ang tanan nga magpartisipar kag makigsadya.
