KORONADAL CITY – Naaresto sang mga otoridad ang isa ka lalaki nga ginakabig rank 8 Regional Most Wanted Person matapos magpatigayon sang operasyon ang mga otoridad sa Purok Mudia, Brgy. Labangal, General Santos City.
Ginkilala ni Police Captain Miguel Angelo P Quidilla, hepe sang General Santos City Police Office-PS4 ang nadakpan nga suspek nga si alyas “Gio”, 31 anyos, nga residente sang nasambit nga lugar.
Nangin madinalag-on ang pagkaaresto sa suspek bangud sa pagtingob pwersa sang mga operatiba sang General Santos City Police Station-PS4, RSOG, CMFC kag NISU- 71 paagi sa pagserbe sang warrant of arrest sa kaso nga 5 counts of rape nga wala sang ginrekomendar nga piyansa.
Ang madinalag-on nga operasyon ang nagapakita sang positibo nga tikang sa kampanya batuk sa kriminalidad.
