Gin-ako ni Robin Padilla nga lubos nga ginarespeto niya kag sang pamilya Padilla ang aktres nga si Kathryn Bernardo bangud ini ang naghatag sang ‘showbiz break’ sa iya hinablos nga si Daniel Padilla.
Ini sa tunga sang mainit gihapon nga isyu sa pagbulaganay nanday Daniel kag Kathryn ukon KathNiel.
Sa isa ka media conference, ginpahayag sang aktor nga subong senador na, nga nagapati sia nga magabalikanay pa ang iya hinablos kag ang aktres ilabi na kon makahimo liwat sang pelikula ang mga ini nga magkaupod.
Suno kay Robin, sa kadugayon niya sa industriya sang showbiz, nahibaluan niya nga nagaagi sa kaangay sini nga proseso ang mga love teams kaangay sang KathNiel bangud nga naga-mature man ang mga ini.
Nobyembre sang nagligad nga tuig sang ginkumpirmar nanday Kathryn kag Daniel sa publiko nga gintapos na nila ang ila 11 ka tuig nga relasyon.
