Naglab-ot sa 700 ka free Wi-Fi sites ang target nga ipatukod sang gobyerno sa bug-os nga pungsod matapos ini ang gin-aprubahan bilang kabahin sang Philippine Digital Infrastructure Project (PDIP).
Suno kay Department of Information and Communications Technology (DICT) Undersecretary Jeffrey Ian Dy, pondohan sang utangon sa World Bank ang amo nga proyekto nga nagadangat sa $288 million.
Katuyuan sini nga mapasanyog ang broadband connectivity sa bug-os nga pungsod ilabi na sa mga malayo nga lugar.
Mayor nga target sa karun ang Mindanao ilabi na ang Region XIII bangud may 17% lang nga internet penetration.
Ginalauman nga matapos ang proyekto sa 2028 kag tutukan ang pampubliko nga mga eskwelahan, state universities kag colleges, kag mangin rural health units.
