KORONADAL CITY – Nadugangan pa ang mga nagsungka nga katapu sang local terrorist group sa Maguindanao del Sur.
Ini ang ginkumpirmar ni Lt. Col. Roden Orbon, spokesperson sang 6th ID Philippine Army sa interview sang Bombo Radyo Koronadal.
Ini makaligad nga nagsungka ang onse ka mga anay nga lokal terrorist group nga lunsay mga katapu sang Daulah Islamiyah-Turaifie Group.
Suno kay Orbon, nagsungka ang mga ini sa mga sundalo bitbit ang matag-as nga kalibre sang armas luthang.
Kalakip sa mga ginsurrender ang mga high powered fire arms kasubong sang mortar nga magamit sa pagpalupok sa isa ka dako nga area kag pila pa ka mga de kalibre nga armas.
Nahibaluan nga bangud nga napressure sila sa padayon nga military operations sang mga suldado humalin sang bulan sang Pebrero kag wala na sila sang mabaskog nga lider rason nga nagsungka ang mga ini.
