KORONADAL CITY – Kalakip ang probinsiya sang South Cotabato nga may napagkit na nga kaso sang leptospirosis gikan sa kabug-usan nanga 13 ka kumpirmado nga kaso sa Soccsksargen Region humalin Enero 1 tubtob Hunyo sini nga tuig.
Ini ang kumpirmasyon ni Ms. Jeldjeann Seno, Regional EREID program Nurse Coordinator sang DOH-CHD Soccsksargen Region.
Suno kay Seno, sa nasambot nga kaso, pito diri ang halin sa Cotabato Province; tatlo ka General Santos City; samtang tag-isa naman sa probinsiya sang South Cotabato, Sarangani kag Sultan Kudarat.
Dugang pa sini mas nga mas manubo ini sang 52% kun ikumprar sa kapareho nga panahon sang nagligad nga tuig.
Ang pila sa mga sintomas sang nasambit nga sakit amo ang hilanat, pagpangurog, pagpalanakit sang ulo kag tiyan, pagpalanuka kag pagpamula sang mata subong man ang pagkambyu sang duag sang panit.
Gani ginarekomendar sang ahensiya nga likawan ang paglusong sa baha labi na kung tig-ululan agud nga indi makaangkon sang sakit nga leptospirosis.
