KORONADAL CITY – Excited na ang pila ka mga South Cotabateños sa nagahilapit nga opening sang 25th T’nalak festival kag 58th founding anniversary sang South Cotabato.
Ini matapos nga amat-amat nga makit-an ang mga preparasyon para sa weeklong celebration.
Suno kanday Nanay Glenda kag Laylanie, ginalauman nila ang pagdagsa sang madamo nga tawo partikular na sa Alunan Avenue kun sa diin makit-an ang display sang mga Bahay Kubo, produkto, kalan-an, ukay-ukay, kag iban pa nga mga ginabantayan sa pagsugod na sang Tnalak festial.
Dugang pa sang mga ini nga ginlauman man ang pagdagsa sang mga negosyante, carnibal kag nagkalain-lain nga mga palaguwaon.
Mangin ang natalana nga Search for Mutya ng South Cotabato ang gina-ekspektar man sang mga ini nga masaksihan bangud sa subong nga tuig may yara sang 18 ka mga kandidadata nga magapa-indes-indes agud makuha ang korona.
Magluwa sini, nagalaum man ang mga ini nga makalantaw sang Street Dancing Competition, Showdown sa Dance Sports kag madamo nga iban.
