Nagpulong sanday Speaker Ferdinand Martin G. Romualdez kag Japanese counterpart Speaker Fukushiro Nukaga sa Tokyo kag naghimo sila sang kasugtanan nga suportahan ang pagpabaskog sang bilateral relations sang Pilipinas kag Japan.
Suno kay Speaker Romualdez, ang relasyon sa tunga sang Pilipinas kag Japan ang yara sa pinakamataas nga lebel na.
Ginpahayag sang lider sang Kamara nga napamatud-an sang Pilipinas nga ang Japan isa ka maayo nga partner sa iban nga mga aspeto pareho sang official development assistance (ODA), maritime security initiatives, kag sa pagpabaskog sang pag-uswag kag kasigurohan sang rehiyon.
Nagpasalamat man si Speaker Nukaga kay Speaker Romualdez sa pagkilala sa bulig nga ginhatag sang Japan.
Sulod sang strategic partnership sang Pilipinas kag Japan nga ginbuksan sang 2011, naglapnag ang kooperasyon sang duha ka pungsod sa mga tradisyunal nga mga aspeto sa politika, depensa, kag ekonomiya.
Nagahatag man sang maritime cooperation, peace process, kag people-to-people exchanges ang duha ka pungsod, lakip ang turismo.
