KORONADAL CITY – Naglab-ot sa pito ka magkapamilya ang pilason nga gindala sa hospital matapos nga mag-overshoot kag mahulog ang ginasakyan nga tricycle sa Sitio Kleeng, Brgy.T’Bolok, T’Boli South Cotabato.
Sa interview sang Bombo Radyo Koronadal kay PCpl. Joner Bacera sang 2nd COuth Cotabato Police Provincial Mobile Force Company, sila ang una nga nagresponder sa mga biktima sang mahulog sa banglid ang tricycle nga may kadalumon nga 200 metros halin sa ginhulogan.
Suno kay Bacera, naghalin sa Heneral Santos ang mga biktima kag magapaligo kuntani sa isa ka suba sang magluntad ang aksidente.
Nag-agom naman sang sang pilas, head injury, kag nabali ang mga biktima nga gindalsa sa hospital.
Nahibaluan nga nangin mabudlay pa ang pagdala sa hospital sa mga biktima bangud wala sang masakyan bangud sa kalayuon sang lugar sa diin nagluntad ang aksidente.
Kaangot sini, nagpanawagan naman ang mga otoridad sa mga motorista nga maghalong sa tanan nga tion agud nga malikawan nga magluntad liwat ang insidente.
