KORONADAL CITY – Nakilala na ang napatay nga komunista nga terorista sa engkwentro sa tunga nila sang militar sa Brgy. Kiadsam, Senator Ninoy Aquino, Sultan Kudarat.
Positibo na suno pa nga ginkilala ang myembro sang NPA apang wala ini ginhingadlan ni Lt. Col. Roden Orbon, spokesperson sang 6ID, Philippine Army bangud nagapadayon pa ang imbestigasyon sa matuod nga identity sini.
Nahibaluan nga ang napatay nga rebelde ang involbado sa extortion activities ukon pagpangilkil sa nasambit nga lugar base sa report sang mga residente sa lugar.
Nakuha man sa napatay nga rebelde ang pila ka mga high powered fire arms kag mga subersibo nga dokumento.
Kun madumduman magaserbe lamang kuntani sang warrant of arrest ang mga otoridad sa mga terorista apang nagbato ang mga ini.
Magluwas sini, madamo nga mga rebelde na ang nagsungka sa mga sundalo apang may yara sa gihapon sang nagapago.
