Natalana nga magabisita sa Pilipinas subong nga semana si New Zealand Deputy Prime Minister kag Foreign Affairs Minister Rt. Hon. Winston Peters agud diskusyunan ang pagpabakod pa sang bilateral relations kag pagpasanyog sang kooperasyon sang duha ka pungsod sa pila ka mga patag.
Ginpahayag sang Department of Foreign Affairs (DFA) nga magapakigkita si Peters kay Foreign Affairs Secretary Enrique Manalo. Pagasaksihan man sini ang pagpirma sang kasugtanan sa tunga sang Anti-Red Tape Authority (ARTA) kag New Zealand Enterprise on Ease of Doing Business.
Matabo ang pagbisita ni Peters antes ang 60th anniversary sang pagtukod sa diplomatic relations sa tunga sang Pilipinas kag New Zealand sa July 2026, kadungan sang mutual interests sa pag-promote sa peace kag stability sa Indo-Pacific region.
Matandaan nga ginbisita ni New Zealand Prime Minister Christopher Luxon ang Pilipinas sang April sa diin nakigkita man sia kay President Ferdinand “Bongbong” Marcos Jr., sa diin ila ginalantaw ang pag-review sa ginapatuman nga bilateral migrant worker arrangements para sa recruitment sang overseas Filipino workers (OFWs).
Gintalakay man ni Luxon ang posible nga investment opportunities sa mga sektor kaangay sang gatas, karne, kahoy, kag teknolohiya sa pribado nga sektor sa Pilipinas.
