KORONADAL CITY – Dako ang pagpasalamat sang Muslim community sa South Cotabato nga gindeklarar nga regular holiday ang Hunyo 17,2024 agud hatagan ligwa ang observance sang Eid’l Adha ukon ang Feast of Sacrifice.
Ini makaligad nga gindeklarar sang MalacaΓ±ang nga regular holiday ang June 17, 2024 sandig sa ππππππππππππ ππ. πππ, π¬.ππππ.
Suno kay Sultan Mutalib Sambuto, Muslim Affairs Chief sang South Cotabato, nagapasalamat sila sa pagdeklarar nga holiday ang adlaw nga ini.
Sa interview sang Bombo Radyo Koronadal kay Sultan Sambuto, ang importansiya sang adlaw nga ini ginaselebrar sang Muslim community agud ipanginbulahan ang mga utod nila nga Muslim nga nag-upod sa pag-Haj sa Mecca sa sulod sang isa ka bulan.
Dugang pa ni Sambuto balaan ang pagpadulong sa Mecca sang mga Muslim agud mabag-o ang kaugalingon.
Sa tion nga makapartisipar sa Haj sa mecca, kinahanglan nga mangin preparado ang isa ka persona sa pagpangamuyo, pagbag-o sang kaugalingon kag pagbiya sa pamilya.
Magluwas sini, nagakinahanglan man sang dako nga kantidad sang kwarta para gastuhon sa sulod sang isa ka bulan nga pag-haj kaupodΒ ang nagkalain-lain nga lahi.
Apang sa mga wala makapadulong sa Mecca, magatipon ang tanan nga Islam believers sa mga mosque agud mag-sambayang ukon magpangamuyo kag magpasalamat.
