Nagapabilin nga low risk ang status sang Pilipinas kun COVID-19 ang pagaistoryahan, suno sa Department of Health (DOH).
Ini ang sandig sa datos nga ginpaguwa sang ahensiya kun diin 14% lamang sang mga ICU bed para sa COVID-19 ang ginagamit samtang 15% naman sang kabug-usan nga COVID-19 beds ang aktuwal nga ginagamit.
Para sa mga kaso nga kritikal sa COVID-19, yara lamang sa 185 ukon 10% sang kabug-usan nga pasyente ang nagapaadmit sa mga hospital.
Dugang pa sang ahensiya, ang average nga numero sang mga kaso nga gina-report halin bulan sang Mayo yara sa 319 nga mas mataas sangsa nagligad nga semana nga 202 lamang.
Apang, mas manubo gihapon ini kun ikumparar sa napagkit sa una nga mga binulan sang 2024 kag sa katapusan sang Mayo sang nagligad nga tuig.
Sa pihak nga bahin, wala pa sang pamatuod ang FLIRT variants nagadulot sang severe tubtub critical nga kondisyon sa pasyente sang sa covid19 matapos nga madiskubrihan ini sa Pilipinas.
